Поранешниот сопруг на Џенифер Лопез, познатиот пејач и танчер Марк Ентони (54) и неговата сопруга Надија Фереира (23) на Денот на вљубените објавија дека го очекуваат своето прво заедничко дете.
Тие на Инстаграм објавија фотографија од нејзиниот труднички стомак.
„Најдобриот подарок за Денот на вљубените досега“, напиша Надија и додаде: „Ти благодарам, Боже, за овој голем благослов“.
View this post on Instagram
Двојката се венча на крајот на јануари оваа година. Надија Фереира е парагвајска манекенка која беше крунисана за Мис Универзум на Парагвај 2021 година. Како Мис Универзум Парагвај Фереира се натпреваруваше на Мис Универзум 2021 година, каде што се пласираше како прва придружничка.
Ова е седмо дете за пејачот. Со Деби Росадо ја доби ќерката Аријана и го посвоија синот Чејс. Со поранешната Мис Универзум Дајанара Торес, со која се ожени во 2000 година, тој има два сина, Кристијан и Рајан. Со Џенифер Лопез пак, ги има близнаците Ема и Макс.
