Марија Ивановска и Бојан Трајковски од дуото „Ај кју“ денес прват свадба плажа, на Халкидики.
Сара Мејс сподели неколку детали од уникатната венчавка во Грција која е во тек, а таа и нејзиниот сопруг, водителот Димитар Атанасовски се меѓу гостите.
„Ова се моите омилени младоженци“, рече пејачката и харфистка во своето видео кое го објави на Инстаграм-приказната. Сара го покажа младоженецот Бојан кој во 15.55 уште не е подготвен, а како што рече, тие добиле покана за свадбата од 16 часот.
„Само еден туш, бричење глава и готов сум“, ѝ вели Бојан на Сара во видеото во кое е облечен во бермуди и маица и опуштено јаде сладолед.
Инаку, во мај, Марија и Бојан споделија убава вест со своите следбеници , дека наскоро ќе станат родители.
Марија преку видео објава на социјалните мрежи откри дека е бремена. Во видеото таа покажа позитивен тест за бременост.
„Ај Кју со нов член? Да не треба уште некој тест?“, напишаа низ шега Бојан и Марија во описот на објавата. На следното видео, Сара ги објави Марија и Бојан за време на првиот бакнеж како маж и жена.
Двојката која ја претставуваше Македонија на Евровизија во 2018 година, неколку години живее и работи во Лондон, а повремено се враќаат во Македонија.
