Легендарната пејачка Смиља Митревска која не живее во Македонија сега ретко се појавува во јавноста, иако уште пее и е активна на сцената повремено.
Слика од неа објави Дани Димитровска, и до неа напиша: „Со мојата омилена пејачка од детството“. На сликата може да се забележи дека Смиља Митревска изгледа одлично и дека е жена што се негува и вложува во себе.
Во 2001 година, таа се пресели во Барселона, Шпанија, но нејзиното срце остана во Македонија. Смиља Митревска има 65 години и е една од најдобрите пејачки на сцената. Лани се појави на „Роса фест“ каде што ја доби наградата за животно дело и откри дека не се откажува од музиката, објави „Женски магазин“.
-Имавме една музичка група со која што работевме. Во неа членуваа музичари од Босна и од Србија, правевме многу концерти. Претежно си ја застапував и ширев мојата македонска песна. Настапувавме во шпански локали- рече пејачката за „Женски магазин“.
Таа стана популарана како пејачка на групата „Тавче гравче“, а потоа и како солист, а ги отпеа хитовите „Дај ми надеж“, „Моминска клетва“, „Заплачи небо“ и други.
