Слика од Блага Петреска во досега невидено издание е објавена на социјалните мрежи. Легендата на македонската фолк-музика е како од Холивуд излезена, со шминка и облека која ја прават многу помлада.
-Најпрекрасна, дама, лавица, легенда, хероина, со глас и достоинство докажа што е пејач и остана таква… нашата Блага Петреска- напиша до оваа слика Адријана Алачки која ја објави. На сликата е и нивниот колега Спасен Силјановски, кој заедно со Адријана Алачки ја води емисијата „Везилка“.
Инаку, фолк дамата во мај месец рече дека за првпат на фолк фест „Валандово“ пее по 40 години. Таа тогаш ја испеала песната, „Раширило оро широко, по селските мегдани“, и рече дека по 40 години пее за празни села без мегдани, без младина, без деца, за места кај што нема кој да заигра оро и да се запее песна.
Блага тогаш раскажа дека е многу тажна што е така. Пејачката рече дека таа жали што нејзините внуци не се до неа, едната е во Германија, а другата е во Москва.
