Зборувајќи покрај Бред Пит на Филмскиот фестивал во Венеција денес, пред светската премиера на трилерот „Волци“, Клуни се осврна на неодамнешниот напис на Њујорк Тајмс во кој има извори кои тврдат дека дуото биле платени „повеќе од 35 милиони долари за секој“ за својата работа.
„[Тоа беше] интересен напис и каков и да е нивниот извор за нашата плата, тоа е милиони и милиони и милиони долари помалку од она што беше објавено. И јас го кажувам тоа само затоа што мислам дека е лошо за нашата индустрија ако луѓето мислат дека тоа е стандард за нашите плати“, рече Клуни. „Мислам дека тоа е страшно, ќе го оневозможи снимањето филмови“.
Да потсетиме дека заплетот на „Волци“ раскажува за двајца осамени „чистачи“ на кои им е доверена една заедничка задача при која гледаат дека се многу слични. Во актерската екипа на филмот се и Остин Абрамс, Ејми Рајан, Пурна Џаганатан, Златко Буриќ и други. Филмот е во продукција на Apple.
