Бојана Тевчева на македонската публика ѝ е позната како поранешна манекенка, новинарка и ТВ-водителка. Во 2024 година таа повторно се појави во улога на водителка на изборот за Мис на Македонија за Мис Универзум, заедно со Татјана Стојановска и Борислав Тноковски.
Нејзиното име своевремено се појавуваше и во приказните поврзани со Тоше Проески. Во дел од регионалните медиуми Тевчева се споменува како една од девојките за кои во годините на најголемата популарност на Тоше беше во љубовна врска.
Тоше ретко зборуваше за приватниот живот, а неговите најпознати јавно потврдени љубовни приказни останаа оние со Благица Мицова и ракометарката Андријана Будимир.
Тевчева во меѓувреме се повлече од секојдневното телевизиско новинарство и професионално се насочи кон комуникациите. Во поновите официјални податоци нејзиното име се среќава и во Дирекцијата за технолошки индустриски развојни зони.
Сега, со ангажманот во „На пладне со МРТ 1“, Тевчева повторно се враќа во улогата по која голем дел од публиката ја памети, пред телевизиските камери.
Таа на Фејсбук објави фотографии од снимањето на емисијата „На пладне со МРТ 1“, со што го најави своето враќање во телевизискиот етер.
„На пладне со МРТ 1“, напиша Тевчева покрај фотографиите на кои позира со својата колешка Ева Јовановска пред зградата на Македонската радио-телевизија.
