Македонскиот пејач Бојан Илиевски, победникот на „Ѕвездите на Гранд“, редовно се огласува на социјалните мрежи, каде што со следбениците споделува детали од својот живот, а со своите објави често знае и да ги насмее.
Така беше и овојпат, кога пејачот среде ноќ ги изненади следбениците со необична одлука. Имено, Бојан откри дека станал во пет часот наутро за да оди да купи сладолед.
Покрај фотографијата оставил и духовита порака со која ја опишал својата дилема:
– Не можам да одлучам! Помогнете! Стануваш во 4:35 часот наутро и одиш по сладолед…
Судејќи според објавата, се чини дека желбата за омилениот десерт била посилна од сонот. Неговата објава веднаш го привлече вниманието на следбениците, кои очигледно се препознаа во оваа целосно спонтана одлука.
Бојан очигледно многу сака сладолед. По победата на „Ѕвездите на Гранд“, откако се врати во Скопје откри како ја прославил победата.
– Првиот пријател што го видов беше Димче, менаџер кој работи со Јоце Панов. Отидовме на сладолед, така што победата ја прославив со сладолед.
