Глумицата Анџелина Џоли на својот инстаграм-профил ја коментираше ситуацијата во Украина. Таа објави и неколку фотографии од војната во оваа земја. Фото галеријата започнува со маж и жена кои со децата чекаат да ја преминат реката по бегството од Ирпин.
-Како и милиони кои побегнаа преку украинските граници, речиси 2 милиони луѓе се раселени во нивната земја, многу се заробени во борбите, не им беше укажана помош и беа во директна физичка опасност. Ако војната не заврши, децата ќе платат највисока цена. Ќе живеат со траумите, изгубеното детство и уништените животи“, напиша познатата актерка во објавата.
Ова не е прв пат Анџелина да се огласува поради војната во Украина. Минатиот месец таа напиша дека се моли за сите луѓе во оваа земја и дека прави сѐ за да обезбеди заштита и основни човекови права на украинските бегалци.
View this post on Instagram
