Која е Амбер Херд, поранешна сопруга на Џони Деп – дали навистина е жртва на насилство или самата е насилник. Јавно се декларираше како бисексуалка, а преку актуелното судење во процесот Деп против Херд (и обратно) откриваме уште многу (морничави) нешта за неа.
Родена во Остин, Тексас на 22 април 1986 година, Амбер Херд има англиско, ирско, шкотско и германско потекло. Ќерка на претприемач и канцелариски работник, таа учела во приватното училиште „Сент Мишел Чатоличка академија“, кое го напушти на само 16 години. И без диплома во џеб, таа успеа да изгради кариера: онаа на модел, што ја доведе да се пресели во Њујорк. Во Големото јаболко го негуваше својот вистински сон: да стане актерка. По првите појавувања во музички спотови, ТВ серии и некои филмови, таа се појави во некои епизоди од The Mountain и The O.C.. Истата 2004 година, го направи своето деби во филмот Friday night lights. По разни помали улоги, вклучително и епизода во криминалната серија „Криминални умови“, доби улога во North Country каде глуми заедно со Шарлиз Терон.
Драстично менување на изгледот
Ослабнала 12 килограми поради сценски потреби, и целосно го сменила изгледот, а потоа стана дел од ТВ сериите Hidden palms, Never black down и The Joneses со Деми Мур.
По „The Informers – Lives over the limit“, во 2009 година, инспирирана од романот на Брет Истон Елис, во 2010 година беше продуцент и протагонист на независниот филм „ And soon the darkness“, а потоа следеше и успехот на хоророт „The ward“, во режија на Џон Карпентер.
Во 2010 година јавно се изрази дека е бисексуалка.
Амбер Херд и Џони Деп: почеток на љубовната приказна
Во 2011 година, се случи за неа пресвртната точка. По успехот на „Drive Angry“, каде глумеше заедно со Николас Кејџ, таа глуми со Џони Деп во „The rum diary – Chronicles of a pasion“, базиран на истоимениот роман на писателот Хантер Стоктон Томпсон. Токму на сетот на филмот започнува нивната љубовна приказна која со текот на времето – веќе е познато – се претвори во хорор.
На 3 февруари 2014 година, парот се венча во Холивуд. Во истиот период Амбер добила улоги во дури три филмови, меѓу кои и филмот „Моќта на парите“.
