Водителот на музичкото натпреварување „Ѕвездите на Гранд“ Воја Недељковиќ откри дека не се слушнал со Саша Поповиќ околу еден месец, но истакнува дека на снимањата наскоро ќе им се придружи и креативниот директор на „Гранд“.
„Саша наскоро треба да се врати на снимање, имам такви информации. Најверојатно ПР-службата на Гранд ќе се огласи кога Поповиќ и официјално ќе почне со снимање“, вели Недељковиќ.
Недељковиќ десет сезони го води музичкиот натпревар, а оваа сезона првпат се најде во улога на модератор, привремено на местото на Саша Поповиќ.
Тој последен пат разговарал со Поповиќ за време на празниците.
„Последен пат се слушнав со Саша околу Нова година и Божиќ, пред еден месец. Си ги честитавме празниците. Не знам како му оди во последните неколку дена, но мислам дека е добар бидејќи секој момент очекуваме да се врати и да се приклучи на снимањето“, заклучи Недељковиќ.
