Во своето последно видео на Јутјуб, Марија Шерифовиќ откри дека ослабела скоро три килограми за една недела, благодарение на планот на исхрана што и го направил нутриционист. Диетата на Марија се базира главно на салати, младо сирење, туна и бело месо.
„Ова е план на исхрана кој одговара на мојата тежина и крвна група и секој треба да најде соодветен план за себе. Никогаш не треба да ја копиратe оваа диета , бидејќи планот е направен според моите мерења и крвна слика, пред сè! Копирањето на овој начин на исхрана може да биде фатално! Се хранам здраво цели седум дена. Се надевам дека нема да ја прекршам диетата. Зелениот чај е задолжителен. Тоа е нешто со што го започнувам денот “, откри таа.
Иако на видеото откри дека во одреден момент се чувствува гладна, Марија сепак успеала да се држи до планот на нутриционистката и дека ослабела 2,8 килограми.
„Тоа е голем успех, се разбира, можеби можеше да биде и подобар, но резултатот е секако добар. Не се надевајте дека ќе биде така секоја недела, бидејќи на почетокот на секоја диета има ослободување на вишок течност и токсини “, им рече Марија на своите гледачи.
