Младата пејачка Џејла Рамовиќ отворено проговори за своето восхитување кон својата колешка Рада Манојловиќ, истакнувајќи ја нејзината едноставност, позитивна енергија и топлина што ја пренесува каде и да се појави.
– Колку е слатка. Рада Манојловиќ е како некој цвет – мека, нежна. Таа е толку добра, луда сум по неа. Секогаш изгледа слатка и опуштена, секогаш е толку мила. Кога ја видов на промоцијата без шминка и во рамни чевли – беше како мед – изјавила Џејла за српските медиуми.
Рада Манојловиќ не останала рамнодушна на овие зборови, па јавно ѝ се заблагодарила на Џејла преку социјалните мрежи, велејќи ѝ дека е прекрасна, објавува „Грандонлајн“.
Покрај љубезните зборови упатени до нејзината колешка, Џејла неодамна имаше важна лична причина за славење – дипломирала во Шпанија, каде што завршила факултет со поддршка на нејзиното семејство и пријатели.
Пејачката блескала на свеченоста, додека музичарот Бојан Цвјетиќанин гордо ја следел, што дополнително ги разгоре шпекулациите дека нивната врска го надминала пријателскиот однос. Сепак, Џејла не потврди дека се заедно.
