Денес се навршуваат шест години од смртта на легендарниот пејач Шабан Шаулиќ, кој загина во сообраќајна несреќа на 17 февруари 2019 година во Германија. Несреќата ја предизвика пијан возач без возачка дозвола, турски државјанин Алсин Левент. Покрај Шаулиќ, загина и неговиот соработник, музичарот Мирсад Кериќ, пишува „Нова“.
Левент првично беше осуден на три години и три месеци затвор, но казната подоцна му беше намалена, што предизвика огорченост кај семејството на Шаулиќ.
Како и секоја година, и овој 17 февруари, најблиските се собраа на неговиот гроб во Белград за да му оддадат почит. Неговата сопруга Гордана, ќерките Снела и Илда, како и бројни пријатели и соработници, положија цвеќе и запалија свеќи во негова чест.
Шаулиќ остави огромно музичко наследство, а покрај пејачката кариера – беше и успешен композитор.
Во негова чест, вечерва во МТС Дворaната во Белград ќе се одржи концерт под наслов „Ѕвезди меѓу ѕвездите – Сеќавање на Шабан Шаулиќ“, каде бројни музички имиња ќе ги изведат неговите најголеми хитови.
Шест години по неговата смрт, Шабан Шаулиќ останува запаметен како еден од најголемите изведувачи на народната музика, чија уметност продолжува да живее.
