Британскиот Дејли мејл дошол до фотографии од Анџелина Џоли од тинејџерските денови, како и до писмата и разгледниците што ги пишувала, а кои даваат сосема нова слика за славната холивудска глумица.
На фотографиите тогаш 14-годишната Анџелина е снимена како пие со пријателите, како јаде пица, спие, позира пред гробиштата…
Џоли во писмата на пријателите им пишувала за своите главоболки и за пијанствата, за мажите што ја привлекувале, но и за дисфункционалното семејство и нивниот однос во текот на тинејџерските години.
Непознатиот извор ги споделил фотографиите и писмата под еден услов – да остане анонимен.
Познато е само дека изворот и Анџелина Џоли заедно оделе во училиштето El Rodeo Middle School во Лос Анџелес.
Тој ја опишува Џоли како ексцентрична и преубава, вљубена во „темната страна на животот“. Била поприлично „дива“, пиела алкохол, пушела марихуана... Од друга страна била исклучително емпатична и дарежлива, често им позајмувала пари на пријателите и им давала на бездомниците.
„Беше прекрасна личност и нашето пријателство беше совршено. Луѓето не сфаќаат дека отсекогаш беше голема хуманитарка, луда и откачена, но хуманитарка. Бидејќи беше од побогато семејство за разлика од нас, секогаш делеше работи со мене и со другите пријатели и не можеше да помине покрај бездомник, а да не му понуди храна или пари. Тоа беше кога имаше 14 години.“
Изворот додава дека таа била голем бунтовник.
„Постојано се забавувавме, пиевме, пушеме цигари… Се облекувавме во црно и се нарекувавме анархисти, не сакавме скапи автомобили и се дружевме со деца кои во училиште беа злоставувани.“
На една од разгледниците испратени на пријателите во 1989 година, Анџелина го опишала мажот кој ја привлекол.
„Тој е фотограф и никој не знае дека ми се допаѓа. Рече дека сака да работи со мене, се надевам дека тоа и ќе се оствари зашто навистина го посакувам. Совршен е – висок, слаб, со црна коса и живее во студио! Ама, мислам дека е геј. Што да се прави…“
Изворот открил детали и за нејзината мајка Марчелин Бертранд, која починала на 56 години од рак на дојката, а наводно на ќерка си кога имала 15 години и наредила да пие контрацептивни пилули, што на Анџелина воопшто не и се допаднало.
„Многу ја нервираше што мајка и и даваше контрацептивни пилули и што му забрани на нејзиното момче да спие кај неа. Енџи се побуни и го направи спротивното – воопшто не сакаше да спие со него и во шолјата ги фрли сите таблети“, рекол изворот и додал:
„Мајка и беше „кул“ и ни дозолуваше да правиме што сакаме. Ако сакавме да пиеме можевме во нивниот дом, таа сакаша да не има под контрола“.
Кога татко и ја изневерил нејзината мајка, Анџелина била толку бесна на него што го фрлила компјутерот што тој и го подарил низ прозорецот.
Уживала да се дружи и да се фотографира на гробишта, сакала да стане организаторка на погреби, па дури завршила и курс за балсамирање.
А дека не знаела што сака од животот се покажало кога на 16 години напишала:
„Уште сум жива и уште барам причина да живеам“.
