Филмот „Свадба“ продолжува да реди успеси, а неодамна ја освои и лондонската публика. Актерот Рене Биторајац кој го глуми хрватот Миљенко зборуваше од проекција во срцето на „Вест Енд“ и призна дека глетката на распродаденото кино го оставила без зборови.
Филмот привлекува големо внимание од публиката во последните месеци, не само во Хрватска, туку и надвор од нејзините граници. Според достапните податоци, филмот досега го гледале повеќе од два милиони гледачи, што го прави еден од најгледаните хрватски филмови во последно време.
Проекциите во бројни европски градови исто така го потврдуваат големиот интерес, а онаа одржана во Лондон привлече особено внимание. Филмот беше прикажан во срцето на „Вест Енд“, во престижното кино „Одеон лукс Лондон Вест Енд“ на плоштадот Лестер, една од најпознатите локации за филмски премиери во британската престолнина.
Токму оттаму, актерот Рене Биторајац, кој игра една од главните улоги во филмот, зборуваше на социјалните мрежи.
Тој објави видео снимено на познатиот лондонски плоштад и призна дека целото искуство му изгледало малку нереално.
„Некои работи понекогаш изгледаат нереално! Распродадена сала со 800 седишта! Свадбената манија никако не престанува, па ајде да уживаме уште малку!“, напиша Биторајац покрај објавата.
Тој додаде и дека реакциите на публиката биле исклучително позитивни. „Слушаме дека бевте прекрасна публика насекаде!“, рече тој.
Неговата објава брзо привлече големо внимание од следбениците. Еден следбеник на шега напиша: „Ова е вештачка интелигенција, невозможно е да сте биле таму!“, алудирајќи на тоа колку нереално изгледа целата ситуација.
View this post on Instagram
