08:00 - 19 ноември, 2026

Познати номинациите за наградите Еми 2020: Серијата „Watchmen“ на врвот на листата

Серијата Watchmen со 26 номинации за телевизиските награди Еми е предводник на листата на номинирани.

Суперхеројската драма во продукција на телевизијата ХБО е номинирана за најдобра серија во ограничено траење, а добила номинации и за актерската екипа, која ги вклучува и Реџина Кинг и Џереми Ајронс.

Комедијата The Marvelous Maisel во продукција на Амазон со 20 номинации е втора меѓу сериите, а следи трилерот Ozark на Нетфликс со 18.

Нетфликс води пред сите мрежи со рекордни 160 номинации за емисии или актери, меѓу кои Stranger Things, Tiger King, Unbelievable и еврејската сага Unorthodox.

Потоа следи ХБО со 107 номинации, меѓу кои и големото изненадување Зендаја, 23-годишната sвезда на тинејџерската драма „Euphoria“.

Номинирани во категоријата најдобри актерки во драмска серија се Џенифер Анистон (The Morning Show), Оливија Колман (The Crown), Џоди Комер (Killing Eve), Лора Лини (Ozark) и Зендаја (Euphoria).

Во категоријата најдобар актер во драмска серија номинирани се Џејсон Батман (Ozark), Стерлинг Браун (This is Us), Били Портер (Pose), Џереми Стронг и Брајан Кокс (Succession) и Стив Карел (The Morning Show).

Наградите Еми ќе бидат официјално објавени на церемонија на 20 септември, но сè уште не е одлучено дали поради пандемијата на коронавирус настанот ќе биде виртуелен или ќе се одржи со присуство на публика.

Во продолжение можете да ги погледнете сите номинации.

 

Слични објави

Ви се спие кога врне? Науката објаснува зошто звукот на дождот нè смирува

К.С.

(Фото) Беше најубавата Југословенка, ја изгуби светската круна поради голи фотографии, а и денес изгледа феноменално

Еспресо

(Видео) „Жената не е ничија сопственост“ — Александар Динев со порака против насилството и осудувањето на жртвите

К.С.

(Фото) Ела Дворник им покажа на своите ќерки фотографија од младоста, нивните реакции се вистински хит!

Еспресо

Соседите на Александра Пријовиќ откриваат што се случува во населбата по палењето на џипот: „Ова е мафијашка пресметка“

Еспресо

На Нада Топчагиќ ѝ дошла полиција, соседите ја тужеле: „Златко сега треба да плати 25.000“

Еспресо
Се вчитува....