Хрватскиот телевизиски и театарски актер Жарко Савиќ почина на 76-годишна возраст, објавија денеска регионалните медиуми.
Савиќ е роден на 30 јули 1949 година, во Варварин, Србија. Понесен по страста за глума, тој дипломирал на Академијата за драмска уметност во Загреб во 1972 година. Тој играл улоги во бројни хрватски театри, меѓу кои и Хрватскиот народен театар во Загреб и Вараждин, Драмскиот театар Гавела и куклениот театар Жар Птица.
Што се однесува до неговата работа на „малите екрани“, Савиќ беше дел од актерската екипа на сериите „Големата магла“, „Забранета љубов“, „Изборот на Лара“, „Новина“ и многу други, а глумеше и во филмовите „Втората мрачна ноќ“, „Воз за мал грабеж“ и „Отпад – хроника на едно исчезнување“.
Тој оствари и богата кариера како гласовен актер, а во синхронизацијата на популарните анимирани филмови брилијантно толкуваше голем број ликови, особено негативци.
