Српскиот актер и водител Милан Калиниќ по серијата скандали во последните неколку месеци одлул да сврти нов лист и да започне бизнис во ИТ секторот, дознава српски „Курир“.
Актерот и поранешен водител, познат по здравите животни навики, правилната исхрана и љубовта кон спортот, сега своето знаење ќе го споделува со другите преку мобилна апликација.
– Милан отсекогаш бил спортски тип и неодамна одлучи да сподели сè што знае за здравиот начин на живот, исхраната и тренинзите и со луѓето кои исто така се заинтересирани за тоа. Неговата цел е да ги направи здравите навики лесно достапни за луѓето на лесно достапен начин, преку мобилна апликација која самиот ја програмирал. Таа ќе им помогне на сите корисници да се концентрираат на вежбањето и исхраната со различни планови и детални инструкции. Сега, по овој турбулентен период кој е зад него, спортот и вежбањето му се главна преокупација, поради што оди во теретана два пати на ден за да исфрли сè што е негативно од себе. Баш неодамна ни раскажуваше колку е посветен на тоа и колку е заинтересиран за тоа. Во моментот целиот е навлезен во ИТ технологија, научи многу за неа и се надева на успех во овој нов приватен бизнис, во кој вложи многу време, но и пари – изјавил за „Курир“ еден од пријателите на Калиниќ.
Инаку, самиот Милан изјави дека спортот му помогнал во тешки животни ситуации.
– Мораш да си помогнеш во тие работи, како што е тренинг и тој начин на живот. Тогаш многу полесно ги поминуваш сите тешки работи – изјавил во една прилика Милан за медиумите.
