Дека познатата и контроверзна манекенка Дунавка Трифуновска навистина ужива во летото, се претпоставува по фотографијата која ја сподели вчера на социјалните медиуми. Манекенката се пофали со фотка од нејзиното ново момче – Ване Цветанов, поранешниот директор на финансова полиција.
„Сродни души, среќа“- напиша Дунавка на фотографијата со Ване каде и двајцата се во костими за капење. Во моментов, парот е на одмор во Турција.
Ниту Ване не остана „покусо“ и тој се пофали дека има нова девојка, па на неговиот фејсбук-профил сподели две заеднички фотографии со Дунавка.
Во втората објава, Ване сподели:
„Во принцип ретко објавувам приватни фотографии, но кога започнувам љубовна врска со жена во вистинска смисла на зборот, мојата врска ја објавувам јавно.
После мојата вчерашна објава се разбрануваа голем број на луѓе и следеа доста реакции. Повеќе од 95% беа позитивни честитки и посакување среќа.
Изразувам искрена благодарност за убавите честитки и коментари до сите кои што од срце се израдуваа и честитаа преку оваа прекрасна фотографија.
За оние 5% кои што имаат нејаснотии, им посакуваме да си ја пронајдат својата среќа.
Од срце Ви испраќаме гушки и поздрави од Турција!“
