12:59 - 17 ноември, 2026

Одлична музичка програма и рекордна посетеност на „Д Фестивал“ во Дојран

Со настапите на греми-номинираниот рејв музичар и продуцент ZHU, популарната српска евровизиска атракција „Констракта“, рок-легендите Хладно Пиво и некогашниот тапанар во легенадарниот бенд Ramones, Марки Рамоун синоќа во Дојран заврши 12. издание на најголемиот македонски фестивал на алтернативна музика под отворено небо „Д Фестивал“.

Најпопуларниот фестивал на нашите простори во организација на „Пасворд продукција“,  и годинава понуди одлична музичка програма, рекордна посетеност, голем број различни зони за посетителите, како и настап на над 100 уметници и учесници во ПлоштАрт, изложби, работилници, перформанси, театар, арт-инсталации, плажа, сонце, музика и љубов! Програмата се одвиваше на вкупни 15 различни фестивалски бини и зони, вклучувајќи го и славниот Д-Камп за посетителите на фестивалот.

За време на трите фестивалски дена настапија и популарниот британски бенд „Кошин“, австриското електронско дуо Крудер и Дорфмајстер, а за издвојување е и настапот на британската музичарка Габриела Чилми, која на почетокот на кариерата ја споредуваа со Ејми Вајнхаус. Џулијан Марли се претстави со реге звук прославен од неговиот татко Боб Марли, а моќната екипа од регионот ја сочинуваа Дарко Рундек, Јура Стублиќ, „Хладно пиво“, „Буч Кесиди“ и „Констракта“. На фестивалот свиреа и неколку македонски артисти, музичари и бендови, меѓу кои хип-хоп групата „Чиста околина“, „Зад аголот“, „Луфтанза“, „Перија“, проектот „Пијан Славеј“ на Бранислав Николов, „Хајка“, „Короужн“, „Преку ред“, Дина Јашари, Флудер, Џантрикс и др.

 

Слични објави

(Фото) „Ало, 911, пак ја испразнив кредитната картичка!“ — Елена Ѓорговска сподели фотографии од патувањето во САД

К.С.

Марија Шерифовиќ и Јована Пајиќ ги спакуваа куферите и побегнаа од Србија: „Не отидовме на Бали, но менуваме дестинација“

E.A.

(Фото) По повод Светскиот ден на предвреме родените бебиња — Маја Кикириткова им посвети емотивна порака на своите деца Лазар и Ева

apostolova

(Видео) Се огласи соседката чиј автомобил изгоре покрај џипот на Александра Пријовиќ: „Бесна сум како рис, немам никаква врска со ова“

Еспресо

Анастасија Ражнатовиќ објави емотивна порака за роденденот на Немања: „Бог знаеше дека заедно ќе ја доживееме најголемата љубов“

Еспресо

(Фото) Стаклен ѕид ја поврзува спалната соба со бањата: Огњен Амиџиќ вложил 100.000 евра во реновирање, а Мина добила гардеробер од соништата

Еспресо
Се вчитува....