Пејачот Мирослав Илиќ ја изненади публиката кога во една емисија откри како го одржува својот изглед и здравје, а потоа сподели дека пред два големи концерти се нашол во многу непријатна ситуација.
Иако пред публиката изгледал непоколебливо, зад кулисите се соочувал со сериозен проблем.
„Пред моите два последни концерти добив дијареја, некаков стомачен вирус. Дојде мојата пријателка докторка, ми даде инфузија и веднаш се почувствував како нов. Никој не знаеше низ какви маки поминував“, изјави тој.
Мирослав потоа го откри и најболниот момент во својот живот, од кој сè уште не се опоравил.
„Мојата мајка почина на 47 години и тоа сè уште ми е многу болно. Долго потоа немав концерти, но имав пријател кој ми помогна да продолжам понатаму“, рече Мирослав во емисијата „Премиера – Викенд специјал“.
Пејачот бил многу приврзан за својата мајка и никогаш не ја преболел нејзината загуба, особено затоа што таа не дочекала да го види неговиот успех. Како и многу млади луѓе, тој бил несигурен во своите музички способности, а кога неговата мајка се разболела, сакал да ја откаже кариерата и да се откаже од пеењето.
„Никогаш не ми било потешко. Го проколнував парите, турнеите, кариерата, песната… Дури се заколнав дека никогаш повеќе нема да земам микрофон в раце. Се чувствував како песната да ми ги украла последните моменти што требаше да ги поминам покрај најдрагоцениот човек. Кога се вратив од Бугарија и ја здогледав мајка ми, знаев дека ѝ се избројани часовите“, раскажа пејачот, кому нивната последна средба засекогаш му останала врежана во сеќавањето, пишува Србија Данас.
