Познатата хрватска пејачка Јелена Розга наводно пред повеќе од една година ја обновила љубовната врска со 11 години помладиот Иван Хуљиќ.
Иван е син на познатиот хрватски музичар Тончи Хуљиќ, а Јелена повеќепати изјавила дека има момче, но не сакала да го открие неговиот идентитет.
Тие не само што ја криеле својата врска од јавноста, туку наводно со месеци ја чувале во тајност и од семејството на Иван. Причината за тоа, како што тврди добро упатен извор, била Вјекослава Хуљиќ – мајката на Иван и сопруга на Тончи.
Наследникот на основачот на групата „Магазин“ најмногу се плашел од реакцијата на својата мајка, иако таа ја познава Јелена со години и ѝ е многу драга.
Според изворите, Иван има прекрасен однос со своите родители, кои секогаш биле полни со разбирање за своите деца, но тој чувствува голема почит кон мајка си.
„Не беше сигурен дали Вјекослава ќе го поддржи неговото помирување со Јелена, па затоа одлучи првите неколку месеци да не му кажува на семејството за нивната романса. Стравуваше од можната осуда, пред сè, поради големата разлика во годините, бидејќи таа е 11 години постара од него. Уште една причина поради која Иван бил загрижен бил медиумскиот притисок“, изјавил изворот за „Курир“.
