Македонската поп-пејачка Елена Петреска го одбележа својот 46. роденден во Белгија, каде што живее заедно со семејството.
По тој повод, таа на социјалните мрежи сподели фотографии од прославата со најблиските, како и емотивна порака во која се осврна на изминатата година.
Петреска порача дека денес чувствува голема благодарност за животот, семејството, но и за сите искушенија што ја направиле посилна.
„Денес моето срце е полно, благодарно за овој прекрасен живот, за секој благослов, секоја лекција, секоја личност што го оди ова патување со мене, за моето прекрасно семејство и за привилегијата да го правам она што го сакам.
Оваа година, мојот роденден е посветен на благодарност, животот е полн со предизвици, но јас сум благодарна за сè што Бог ми испрати на патот, бидејќи знам дека тој ме штити мене и моето семејство!
На здравје за уште една година растење, верување, пеење и созревање“, напиша пејачката.
