Филмската индустрија полека се буди, па од 12 јуни ќе продолжат да се снимаат филмови и серии по паузата поради коронавирусот. Но некои работи ќе бидат поинакви од претходно.
Властите ги предупредија филмските работници да продолжат да се придржуваат до мерките за заштита од коронавирусот, а сексуалните сцени ќе се снимаат поинаку од досега.
Иако сите кои ќе бидат вклучени на сетот ќе се тестираат, сцените со секс како и сите други кои вклучуваат блиски контакти, или целосно ќе се менуваат, или ќе се снимаат со помош на компјутер и потоа ќе се додаваат во монтажата. Аудициите и понатаму ќе се одржуваат нормално, но продуцентите ќе надгледуваат зад плексиглас.
На сите сетови ќе има и посебни надзорници кои ќе внимаваат што се слчучува и дали се кршат некои правила, пишува Дејли мејл.
Од следната недела продолжува и музичката продукција, а исто како на филмските сетови и во музичките студија ќе мора да се спроведуваат посебни мерки поради пандемијата.
Округот Лос Анџелес, во кој се сместени стотина филмски студија, до минатата недела потврди 44 смртни случаи од последици од коронавирус.
