Комичарката и водителка Елен Деџенерис, која минатата недела доби позитивен резултат за коронавирусот, преку социјалните мрежи ги информираше фановите за нејзината здравствена состојба, наведувајќи дека има силни болки во грбот.
– Здраво на сите, само сакам да им се заблагодарам на сите за добрите желби. Јас навистина го ценам тоа и се чувствувам навистина добро, го започна своето обраќање Деџенерис и откри дека е изненадена од нејзиниот позитивен тест.
– Едно нешто што нема да ви кажат е дека ќе добиете и силна болка во грбот“, вели водителката, додавајќи дека не знаела дека и тоа е еден од симптомите на коронавирусот.
Комичарката ја откри својата дијагноза минатиот четврток споделувајќи ја со изјава на социјалните мрежи во која се наведува дека имала позитивен тест за Ковид -19 .
