Македонската театарска и филмска актерка Драгана Левенска доживеа незгода во близина на својот дом, откако се судрила со лице кое управувало тротинет.
Инцидентот се случил во уличка додека таа излегувала од зградата, кога тротинет ненадејно ѝ пресекол пат. Според нејзиното сведоштво, ударот бил со мала брзина, што спречило посериозни последици.
View this post on Instagram
Како резултат на судирот, Левенска заработила скршеница на надлактицата и ќе мора да носи мобилна лонгета во наредните пет недели.
„Добра сум, за среќа не е ништо сериозно. Можеше да биде многу полошо“, ИЗЈАВИ АКТЕРКАТА ЗА „ЦРНОБЕЛО“, додавајќи дека со момчето кое го управувало тротинетот се договориле без дополнителни проблеми.
Таа упати и јасна порака до сите учесници во сообраќајот.
„Апелирам до сите што возат тротинети да внимаваат и да ги почитуваат правилата. Не излегувајте ненадејно од секоја страна. Безбедноста важи за сите – и за пешаците и за оние што возат“, додаде таа во изјава за истиот медиум.
