Пред точно една година се роди Арчи Харисон Моунтбатен Виндзор, син на принцот Хари и Меган Маркл
Гордите родители соопштија дека бебето Арчи има црвена коса како и принцот Хари. Бебето во сите медиуми и од најблиските е опишано како многу весело.
„Тој е многу весело бебе. Има прекрасни нозе и црвена коса. Неодолив е!“, открил извор близок до кралскиот пар.
Црвената коса е наследена од семејството на принцот бидејќи е познато дека во семејството на неговата мајка, починатата принцеза Дијана црвената коса била често застапена.
Иако е откриено дека бебето е црвенокосо, не е откриено на кого повеќе личи, дали на Хари или Меган.
„Сите велат дека бебињата можат да се променат многу брзо. Засега само набљудуваме како тој се менува во овие денови. Неговиот изглед се менува од ден во ден, па кој знае“, изјави Хари.
Еден месец по раѓањето на Арчи, беше органзизирана крштевка во приватна капела на кралицата Елизабета во дворецот Виндзор.
Кралското семејство на својот Инстаграм профил објави фотографии од крштевката на Арчи.
На тајната церемонија на крштевката биле присутни само најблиските роднини на кралскиот пар.
Во чест на неговиот прв роденден, Меган снимила видео во кое на синчето му ја чита приказната „Патка, Зајче!“, а инстаграм-профилот Save The Children UK ја објави.
На снимката се гледа како малиот Арчи се смее додека мајка му му чита и го бакнува по главчето.
Првиот син на Хари и Меган е седми во наследство за тронот по татко му Хари, неговите братучеди Џорџ, Шарлота и Луи, дедото Чарлс и чичко му Вилијам.
