Актерот Кијану Ривс ќе има видеоразговор преку апликацијата „Зум“, со обожавателот што ќе понуди најмногу пари за „Кем рејнбоу голд“ – хуманитарна организација за деца заболени од рак.
„Го познавате. Го обожавате. Ова е навистина непроценлива можност да разговарате со него од дома“, се вели во описот. Наддавањето се затвора в понеделник, а датумот за разговор со Ривс е планиран за почетокот на јули.
Онлајн средбата со Кијану е со почетна цена од 9.800 долари.
Највисоката виртуелна понуда за овој видеоразговор досега достигна над 16.000 долари.
Предвидено е разговорот со холивудската ѕвезда да трае 15 минути, со веќе подготвени прашања.
Сиот приход од овие „15 минути слава со Кијану Ривс“ ќе ѝ биде директно уплатен на организацијата со седиште во Атланта.
