Олимпијките Жанин Флок (32) од Австрија и Лиза Баквиц (27) од Германија решија пред заминувањето на Олимпијадата во Пекинг да соблечат сѐ од себе за мартовските изданија на германски „Плејбој“. Нивната цел, велат, е да ги охрабрат другите жени да не се срамат од своето тело.
– Сакам да им покажам на сите дека природното тело може да биде убаво. Она на кое ништо не е средувано. Никогаш не сум отишла на пластична операција и останувам на таа одлука. Задоволна сум со телото што го имам. Секоја жена може да се гордее со своето тело – изјави Жанин Флок.
Лиза Баквиц, која на минатите Игри освои злато во боб двосед рече:
„Имам неколку мускули повеќе, па што? Сакав да покажам дека и ова е женско тело. Не морам да се кријам ако сум спортистка и се натпреварувам. Ниту една жена не мора да се крие – вели 27-годишната Австријка.
