Српскиот пејач Предраг Пеѓа Бошњак загина во сообраќајна несреќа со мотор на 34-годишна возраст.
Пеѓа, кој е познат по учеството во „Ѕвездите на Гранд“, е роден во Мостар, а според информациите во српските медиуми, трагично го загубил животот во несреќа откако паднал од мотор.
View this post on Instagram
Неговата мајка со потресни зборови се прости од Пеѓа на социјалните мрежи.
– Почивај во мир, ангел – напиша мајката на Предраг.
Оваа тажна вест ги потресе неговите пријатели, колеги и бројни обожаватели, кои почнаа да се збогуваат со него преку социјалните мрежи.
Неговите профили на Инстаграм и Фејсбук се преплавени со пораки со сочувство, изрази на тага и неверување.
За неговиот талент наголемо се зборуваше кога учествуваше во „Ѕвездите на Гранд“ во сезоната 2013/2014, кога имаше 23 години.
Снежана Ѓуришиќ, Шабан Шаулиќ и Зорица Брунцлик со воодушевување зборуваа за неговиот глас, додека публиката хорски го следеше во текот на настапот.
Трагедијата се случила на обиколницата околу Палиќ околу 16 часот и 35 минути кога, како што е познато во моментов, Бошњак изгубил контрола над моторот и излетал од патот. Тој со тешки телесни повреди бил префрлен во Општата болница во Суботица каде, и покрај големите напори на лекарите, синоќа починал. Како што се дознава, тој од обиколницата се движел на исток и поради непрописна брзина излетал од патот, јавува „Subotica.com“.
Музичката сцена загуби уште еден талентиран артист, а многумина ќе го паметат по неговиот препознатлив глас и харизма.
