Таткото на композиторот Горан Ратковиќ Рале почина пред неколку дена, по долга борба со болеста.
Партнерот на Ана Николиќ даде куса изјава за медиумите и ја потврди тажната вест.
– Добро сум. Што е тоа е, таков е животот – изјави Рале за „Курир“.
Да потсетиме, Рале неодамна зборуваше за својот татко и периодот кога му кажал дека ќе се занимава со музика и компонирање песни. Одлуката на Горан не му се допаднала на неговиот татко.
– Доаѓам дома, а татко ми беше таму иако работеше во Германија и тоа му го кажувам. Тој сакаше да се „пресмета“ со мене! Па нема да се тепам татко ми! Прескокнав преку прозорецот и му се јавив на пријател кој беше во Австрија, му реков „дали можам да дојдам кај тебе?“. И отидов таму да свирам. Поминав две години во Австрија, таму имав една голема љубов. Таа умре и потоа не можев повеќе да останам на тоа место, па почнав како уличен музичар да патувам и да свирам од град во град во Европа. Запознав една црнка во Германија, таа беше студентка од Нигерија. Еден ден размислував што да правам, секој ден свирев таму за ситни пари, а веќе го губев гласот колку што работев. И решив да се вратам во Србија. Потоа почнав да свирам овде во мојот регион и во Србија – откри Ратковиќ.
