Полека, но сигурно почнува да се насетува празничната еуфорија и секој од нас веќе почнува да размислува за тоа како ќе го украси домот пред дочекот на новата година и за прославата на божиќните празници.
Викторија Лоба е една од првите македонски познати личности која ни ја покажа својата новогодишна елка и за момент нѐ внесе во нејзиниот дом, барем преку фотографија на социјалната мрежа Инстаграм.
„Да се запази трендот. Ми остана да докупам уште неколку големи лампиони“, напиша Лоба на фотографијата.
Оваа година, пејачката се одлучила за природна елка, која ја накитила со црвени украси и златни светилки.
Патем, Лоба отсекогаш потенцирала дека овој празничен период ѝ е најрадосен во годината.
„Новогодишните празници сѐ уште ја имаат таа магија од моето детство, затоа едвај чекам да дојде оваа сезона на забава и нови почетоци. Во Русија за Нова година многу често луѓето се маскираат, едни на други си подаруваат подароци што ги оставаат под елката. Во моето семејство секогаш велевме како ќе ја дочекаме Новата година таква таа и ќе ни биде, затоа новогодишната ноќ секогаш беше најрадосен празник за нас“, изјави таа за „Независен“ пред неколку години.
