Првиот случај на подваријантата на коронавирусот, кој во Србија го нарекуваат „Ерис“, е регистриран вчера, во Војводина, еден месец откако се појави во светот.
Директорот на Здравствениот дом Палилула, Александар Стојановиќ, како што пренесуваат српските медиуми, се уште не гледа причина за страв, но апелира до граѓаните веднаш штом почувствуваат некој од симптомите да се јават на лекар и да се сетат што се случи со коронавирусот.
Д-р Стојановиќ за „Блиц“ вели дека здравствените домови се подготвени да тестираат нови пациенти и дека има клиники кои се уште работат.
Тој потсети дека клиниките за ковид се укинати пред неколку месеци, но дека секогаш има лекар кој ќе го посети пациентот доколку се пожали на симптоми на ковид.
– Ова е подтип, се уште не знаеме дали е омикрон, делта… Не знаеме колкава ќе биде неговата вирулентност бидејќи немаме искуство, но ќе ја следиме состојбата во околината и кога ќе се случи во околината нормално ќе дојде и кај нас – рече тој.
Тој исто така нагласи дека маските кои се носеле претходно се уште не се неопходни, но дека состојбата се следи.
Директорот на здравствениот дом Палилула нагласи дека се уште има ПЦР и брзи тестови за да се утврди дали се работи за вирусна инфекција.
Toj ги советуваше граѓаните да не се лекуваат сами, туку да посетуваат лекар, за да ја добијат вистинската терапија. Со оглед на тоа што времето за одмор веќе поминува, а голем број граѓани се враќаат од други земји, д-р Стојановиќ апелира да внимаваат на симптомите, доколку ги почувствуваат.
– Некои показатели беа дека во Грција и во некои земји имало од 20 до 30.000 позитивни, но тоа е време на туристичката сезона кога земјата нема да објавува реални податоци поради туризмот – рече тој.
Тој потсети дека „Ерис“ се појавил во Грција, но дека не се обрнувало многу внимание затоа што е време на туристичка сезона.
Може да се појават 20 симптоми, но главниот е треската.
– Дваесет симптоми можат да ни кажат дали сме болни од коронавирусот, вели Стојановиќ, но нагласува и дека тие зависат и од тоа за кој подтип се работи.
Абдоминална болка, дијареа, засипнатост, болки во грлото, течење на носот, треска, болки во коските, чувство на неспособност да станете. Сите овие се симптоми кои може да укажуваат на тоа дека сте се заразиле со корона вирусот.
Според овој доктор, доволно е да имате еден од симптомите, но главен е температурата, која предупредува дека нешто се случува во вашето тело!
