Може ли Бритни Спирс да нè шокира повеќе со своите објави на социјалните мрежи? Веројатно не, бидејќи речиси секоја недела споделува видеа што предизвикуваат голема загриженост кај нејзините обожаватели. Во најновото, таа танцува во костим за капење со леопард принт, а покрај самиот танц, поголемото изненадување беше нејзиниот сега променет натпис покрај објавата, пишува „Пејџ сикс“.
Видеото што го објави за време на викендот ја прикажува како танцува во својата куќа во едноделен костим за капење со леопард принт и црни потпетици на мелодијата на песната „Send My Love (To Your New Lover)“ од Адел.
„Не го најдов мојот фустан за матура за оваа година… Размислувањето е добро за душата… Понекогаш, кога се случуваат тешки работи, од тоа излегуваат добри работи и учиме. Научив дека вистинската нота на изразување емоции зборува многу за сите нас!! Наречете го детско, глупаво, здодевно… Растеме за да станеме жени, но дали се осмелувате да го задржите најчувствителниот дел од вашата душа и да го оставите да се побуни… детето во себе мора да зборува во најранливите времиња. Тагата и темнината опстојуваат за да се разбере загубата на некого и болката… Понекогаш преку страдање, грдотија и жртва, исклучително ретки и убави работи можат да се манифестираат и споделат што можат да допрат друга личност за да ја натераат да сфати дека не е сама… а сепак жената во мене ќе се погрижи да ја најдам мојата дестинација“, напиша пејачката првично во описот, пренесува „Пејџ сикс“.
Тој натпис повторно предизвика загриженост, а Бритни во меѓувреме го смени во: „Се чувствував добро во тој костим за капење… пссс, треба да ги најдам тие чевли Мери Џејн“.
Најновото видео на Спирс додека танцува доаѓа речиси две недели откако беше видена како излегува од вински бар со чаша шампањско во рака, а потоа влегува во автомобил и брзо заминува. Откако фотографиите станаа вирални, Спирс се огласи на Инстаграм за да ги напаѓа папараците, нарекувајќи ги „неверојатно лоши“ затоа што секогаш прават „најлоши фотографии“ од неа.
View this post on Instagram
