Во Врање, Србија, се поднесени три кривични пријави до Основното јавно обвинителство поради настапот на Драгомир Деспиќ – Десингерица.
На настапот на 20 февруари, тој довед живо јагне на сцена за време на песната „Чоколада“. Животното било видно вознмирено, се обидувало да се тргне и да побегне, додека музиката свирела а Десингерица ја изведувал песната.
Видеото од тој момент брзо се прошири социјалните мрежи, па многумина беа шокирани и изразија негодување поради третманот на јагнето, сметајќи дека тоа е злоупотреба на животно.
Од Основното јавно обвинителство потврдија дека примиле три кривични пријави против одговорните лица од клубот каде што беше настапот. Ќе биде побарано од Полицијата во Врање да ги собере сите информации и околности поврзани со инцидентот.
