Полицијата во Невада потврди дека извршила претрес оваа недела во домот на познатиот рапер како дел од истрагата за убиството. Детективите го претресле неговиот дом во Хендерсон, предградие на Лас Вегас, каде Тупак Шакур беше убиен во септември 1996 година.
View this post on Instagram
Полицијата во Лас Вегас не соопшти дополнителни детали за истрагата, велејќи дека истрагата за неговото убиство сè уште е во тек. Шакур имаше 25 години кога бил убиен. Засега никој не е уапсен и засега нема осомничени.
Домот кој беше претресен е на помалку од 35 километри од Лас Вегас Стрип, местото каде што беше застрелан Шакур.
„Потврдуваме дека на 17 јули 2023 година во Хендерсон, Невада е издаден налог за претрес, како дел од истрагата за убиството на Тупак Шакур“, се вели во соопштението на полицискиот оддел од Лас Вегас. „Во овој момент немаме дополнителни коментари“.
Полицаецот од Лас Вегас, Џејсон Јохансон изјави за „Las Vegas Review Journal“ дека детективите повторно работат на „веќе оладениот случај“.
„Тоа е случај кој остана нерешен и се надеваме дека еден ден ќе го промениме тоа“, изјавил тој.
Шакур, чие уметничко име е 2Pac, го издаде својот деби албум во 1991 година и постигна успех на топ листите со хитовите како California Love, All Eyez on Me, Changes и I Ain’t Mad at Cha. Тој почина на 13 септември 1996 година, една недела откако беше застрелан четири пати во неговиот автомобил додека чекаше на семафор. Шакур, кој има продадено повеќе од 75 милиони албуми ширум светот, постхумно беше примен во Куќата на славните на рокенролот во 2017 година.
View this post on Instagram
