Поп-пејачката Милица Павловиќ стана мета на измамници кои на интернет рекламираат лажен новогодишен концерт во еден од најлуксузните хотели во Белград. Иако рекламите ветуваат „најголем спектакл за дочекот на 2026 година“, вистината е сосема поинаква – Милица на 31 декември воопшто нема да биде во Србија.
Како што е познато, пејачката веќе најави дека на 31 декември ќе настапи на дневна новогодишна забава во еден од најпрестижните хотели во Скопје. Настанот почнува точно напладне, а цените на влезниците се движат од 200 до 500 евра, во зависност од категоријата. Четиричлениот сет на маса во „регулар“ делот чини 200 евра, во „сребрен“ 300, а во „златен“ 500 евра, што ја прави забавата една од најексклузивните во регионот.
Но, тоа не е единствениот ангажман на поп-ѕвездата. Според информации од организаторите, точно на полноќ таа ќе настапи на приватна новогодишна прослава кај еден од најбогатите парови во Македонија, на кои претходно пеела и на свадба. Домаќините изречно побарале Милица да им ги изведе нејзините најголеми хитови во чест на дочекот на 2026 година.
За „репризата“ на Новата година, пејачката е веќе договорена за настап во луксузен хотел на Копаоник.
Паралелно со нејзините официјални ангажмани, на повеќе интернет-страници се појавија реклами за „ексклузивен дочек во Белград со Милица Павловиќ“. Во огласите се наведува дека свечената сала прима 500 гости, а влезниците чинат од 150 до 350 евра, со вклучени храна и пијалак за добредојде – шампањ. Остатокот од пијалаците, според огласот, се наплатуваат дополнително.
Во рекламата се ветува „незаборавна вечер со големата музичка ѕвезда“, „богата понуда на храна“, „безпрекорна услуга“ и се повикува публиката што побрзо да ги резервира местата.
Новинарски тим од Србија се обидее да го контактира телефонскиот број наведен во лажните реклами. На прашањето дали навистина настапува Милица Павловиќ, лицето од другата страна потврдило дека информацијата е точна. Но, кога било посочено дека пејачката веќе јавно најави настап во Скопје, измамникот веднаш ја прекинал врската.
Инцидентот го отвора прашањето колку обожаватели веќе уплатиле по 150 евра за концерт што воопшто не постои.
