Познатата хрватска водителка Николина Пишек со години го привлекува вниманието на јавноста со својот изглед и шарм, поради што често ја вбројуваа меѓу најатрактивните ТВ личности во регионот. Нејзината богата медиумска кариера направи таа постојано да биде присутна пред камерите, па публиката будно ги следеше и најмалите промени во нејзиниот изглед.
Како и многу познати личности, таа се одлучи за одредени естетски зафати, за кои во медиумите се наведува дека придонеле за нејзиниот негуван и младолик изглед, а како изгледаше некогаш можете да погледнете ТУКА.
Потсетуваме, Николина Пишек се соочи со исклучително тежок период по ненадејната смрт на сопругот Видоје Ристовиќ, кога покрај личната загуба, започна и борба за имотот со неговиот татко, Мишо Гроф.
Во едно од своите обраќања, таа отворено зборуваше за сè низ што поминувала откако останала без партнер, истакнувајќи ги предизвиците и ситуациите со кои се соочила тогаш.
„Времето не лекува, но времето отупува. Се соочив со страшни напади од семејството на сопругот, со ужасна омраза, со губење на сè што имав од финансиски ресурси и со дете на кое дефинитивно требаше да му пружам поддршка и на некој начин да го зајакнам за да помине низ тој период колку-толку недопрено. Мислам дека со својата тага сè уште не сум се соочила на вистински начин и не знам кога тоа ќе се случи, веројатно кога мојата ситуација целосно ќе се смири и неутрализира и кога ќе се смират страстите. Не чувствувам ниту лутина, ниту бес, чувствувам всушност само најголема тага кон моето дете кое тоа не го заслужи. Па, преживуваш затоа што немаш избор, преживуваш ако не се убиеш. Ако одлучиш да живееш, тогаш ќе преживееш“, изјави со солзи во очите водителката во подкастот „Мами кај Лана“.
