Свадбата на, до неодамна најпосакуваниот ерген во Азија ќе трае до 16 јануари. А официјалната свадбена церемонија веќе се одржа.
Се венчаа принцот Абдул Матин, 32-годишен член на кралското семејство на Брунеи и неговата 29-годишна свршеница Аниша Росна. Официјално, свадбените веселби ќе траат 10 дена и ќе завршат на 16 јануари. Принцот на својот Инстаграм веќе сподели фотографии од луксузната церемонија во главниот град Бандар Сери Бегаван, пишува Elle.
Свадбената церемонија се случува по сите обичаи и традиции. Прво, семејството ја нанесува миризливата паста на рацете на младенците и им посакува среќен, плоден и богат семеен живот.
На церемонијата Абдул Матин и Аниша се појавија во традиционална црвена облека. Главата на Аниша беше украсена со огромна златна круна, а беше и покриена со црвен превез. Потоа беше отстранет превезот, откривајќи го нејзиното лице и луксузниот накит во преден план.
Невестата носеше масивни златни алки на зглобовите, а својот изглед го комплетираше со црвени чевли на високи потпетици.
View this post on Instagram
Пред овој ден, Аниша веќе покажа две луксузни венчаници. Облечена во традиционална брунејска облека со покриена глава, таа го покажа својот голем дијамантски веренички прстен.
View this post on Instagram
А во бел фустан од тантела со бел превез, таа ги прегледа свадбените подароци и позираше за официјални фотографии.
Прославите ќе траат до среда, а финалето на свеченоста ќе биде банкет, на кој се очекува да присуствуваат членови на кралски семејства од целиот свет.
Принцот Абдул Матин бил еден од најпосакуваните ергени во Азија и во светот пред да ја запознае својата невеста, иако малку се знае за тоа како се развивала нивната врска. Принцот Матин е четвртиот син и десеттото дете на султанот Хасанал Болкиах (77) и неговата поранешна втора сопруга Маријам Абдул Азиз (67).
Матин е шести во редот за тронот, но можеби најпопуларниот член на семејството, кое е познато по своето чудесно богатство и скандалозните лудории. На пример, чичкото на Матин имаше цел харем, за кој една од жените од харемот напиша книга.
Принцот е опишан како пријатен млад човек, вешт поло играч и успешен коњаник. Тој моментално служи како пилот на хеликоптер во воздухопловните сили на Кралството Брунеи и има чин мајор. Матин често го придружува својот татко на патувања во странство.
Аниша Росна потекнува од семејство на дипломати, нејзиниот дедо бил советник на султанот. Аниша е претприемачка кој аводи компанија за свилена облека Silk Collective, но има и компанија за планирање одмори.
