Деновиве многу се зборува за свадбата на Теа Таировиќ, која решила да стави крај на девојачкиот живот и да се заколне на верност на својот долгогодишен избраник Иван. Според информациите на српските медиуми, свадбата е планирана за четврток, 24 април.
Венчавката ќе се одржи во строга тајност, во нејзиниот роден Нови Сад, а Теа повикала само најблиски роднини, пријатели и одбрани колеги, меѓу кои се Сања Вучиќ и Барбара Бобак.
Теа Таировиќ од самиот почеток на својата кариера се труди да го чува својот приватен живот подалеку од очите на јавноста, па токму затоа одлучила нејзината свадба да помине без голема врева.
Месеците наназад ги организирала сите подготовки во најголема тајност и ги замолила блиските да не откриваат никакви детали.
Пред емотивниот чин, Теа заедно со својот партнер отпатувала во Дубаи, каде што имала закажан настап, а потоа неколку дена заедно одмарале. Потоа се вратиле во Белград за да ги завршат последните подготовки пред големиот ден.
Да потсетиме, Теа Таировиќ е во врска со Иван околу две години.
