Инстаграм-профилот на пејачката Јелена Карлеуша пред неколку дена беше згаснат поради бројни пријави. На исклучувањето нејзиниот профил му претходеше петиција потпишана од повеќе од 300.000 луѓе.
Беа испратени бројни пријави бидејќи Карлеуша со месеци шири говор на омраза, ги напаѓа студентите кои протестираат и ги навредува сите што ја критикуваат.
Во меѓувреме, пејачката се „пресели“ на Фејсбук, но таму има многу помал број следбеници. Таа неколку дена објавуваше содржина на таа социјална мрежа, но потоа се смири.
Интересно е и тоа што еден обожавател на нејзината работа започнал петиција за да ѝ го врати профилот на Инстаграм, но исходот не е најдобар, пишува „Нова“.
Петицијата е покрената пред два дена, а за тоа време има вкупно 111 потписници . Првиот ден петицијата ја потпишаа 73, а вториот 37. Денеска уште едно лице стави потпис.
