Српскиот актер Милош Биковиќ годинашниот Велигден го помина во Белград, во кругот на најблиските – со сопругата Ивана Малиќ и нивниот син Василије. Иако семејството живее на релација Србија-Русија, празничните денови решиле да ги поминат во српската престолнина, во мир и љубов.
На својот профил на Инстаграм, Биковиќ сподели неколку нежни и топли семејни фотографии што ги разнежија неговите следбеници. На една од нив, малиот Василије седи на рамената на татко му додека заедно шетаат низ белградските улици, а на друга Ивана со насмевка го набљудува синот како си игра покрај реката.
Посебен момент бил забележан кога детето се заинтересирало за куче што им пришло, а Милош внимателно и со љубов го фотографирал секој миг.
Покрај фотографиите што зрачат со топлина и блискост, актерот испрати и искрена празнична порака:
„Христос воскресе! Мир, љубов и здравје за сите!“
