Хрватската пејачка Јелена Розга во своето последно интервју отворено проговори за љубовта кон својот партнер Иван Хуљиќ, откривајќи дека е вљубена во него веќе многу години.
Гласините за нивната врска кружат одамна, но годинава тие конечно станаа официјални.
На прашањето од новинарката како изгледа вљубувањето во позрели години, Јелена со насмевка одговорила: „Па јас веќе сто години сум вљубена во Иван, така што тоа е тоа“.
Пејачката отсекогаш била позната по својата спонтана и опуштена природа. Ова лето го искористила за краток одмор на островот Крк, каде што со Иван уживале во приватност и ја наполниле енергијата за продолжението на нејзината летна турнеја.
Јелена открила и дека нејзиното мислење за бракот се променило – сега веќе не го гледа само како „парче хартија“. Според информации од српските медиуми, двојката планира свадба оваа есен. Церемонијата би се одржала во Сплит, а славењето би можело да биде на егзотична дестинација, како Малдиви или Бали.
За Иван, кој често ја поддржува од публиката за време на нејзините настапи, Розга има само пофални зборови. Потврдува дека нивната врска станала уште посилна преку заедничките моменти и взаемната поддршка.
