Познатата пејачка Јелена Розга и Иван Хуљиќ, син на композиторот Тончи Хуљиќ, наскоро ќе стапат во брак. Според ексклузивните информации на српскиот медиум „Курир“, свадбата ќе се одржи оваа есен во Сплит, каде што се очекуваат околу 500 гости, вклучувајќи ги најблиските пријатели и членовите на семејствата.
Но, ова нема да биде единствената церемонија. Идните младенци планираат уште една свадба на егзотична локација. Засега не е дефинирано дали ќе бидат Малдивите или Бали, но овие две дестинации се најсериозно во игра.
„Сè почесто се слушаат свадбени ѕвона кај Јелена и Иван. Таа долго чекаше да го најде вистинскиот човек и, конечно, го најде. Останува само официјално да објават кога ќе биде свадбата и да ги повикаат пријателите и семејството да бидат сведоци на нивната љубов. Првично се зборуваше дека ќе се венчаат во лето, но сега изгледа дека свадбата ќе се одржи на есен“, открива добро информиран извор близок до парот.
Двајцата се зближиле за време на соработката на нејзината песна „Од чега сам ја“, а Иван ѝ бил голема поддршка и за време на нејзините концерти во Белград. Иако долго време се шпекулираше за нивната романса, тие успешно ја криеја од јавноста.
Минатото лето, папараци ги фотографираа во Будимпешта за време на романтичен викенд. Без да се кријат, шетаа држејќи се за раце, убедени дека никој не ги забележува, но сепак беа снимени.
Иако Јелена и Иван сè уште не ја коментирале својата врска во јавноста, таткото на Иван, Тончи Хуљиќ, го сподели своето мислење:
„Јас нема да му се мешам на синот во кревет. Ако тоа е нивната среќа, ги поддржувам. Ако не е вистина, ништо страшно“.
Јелена Розга искрено за љубовта
Во неодамнешно интервју, пејачката призна дека е пресреќна во љубовта:
„Веќе не сум соло играчка. Гледам во најубавите сини очи. Сè е многу полесно затоа што работиме истата работа. За мене сè на него е најубаво. Мајка ми го обожава, а и татко ми, стариот Розга, исто така. Тој е сличен на мене – опуштен, нормален и добар човек“, изјави таа за „Ин магазин“.
Розга е позната по тоа што ретко зборува за својот приватен живот. Сепак, во минатото беше во врска со познатиот виолончелист Стјепан Хаусер, кој по раскинувањето зборуваше само убави работи за неа.
„Соработката со неа беше феноменална, траеше две години. Тоа беше прекрасен период од мојот живот и нашата соработка секогаш ќе ми биде убаво сеќавање. Се запознавме во ‘Вестин’, се одржуваше избор за Мис на универзумот. Јас отидов на настанот за да гледам мисици, а потоа ја здогледав неа и ми беше подрага од сите нив. И така почна сѐ…“, се присети Хаусер во емисијата „Књазалиште“ на Хрватската радио телевизија.
Тој исто така призна дека шпекулациите за нивната наводна хомосексуалност му биле многу непријатни.
„Тоа се глупости. Многу ме нервираше тоа тогаш. Тоа беше вистинска љубов, живеевме заедно две години“, објасни Хаусер во истата емисија.
