Музичката ѕвезда Јелена Карлеуша жестоко го нападна пејачот Владо Георгиев, кого на социјалната мрежа Икс (поранешен Твитер) го нарече „дебел, пијан трол“.
Карлеуша сподели видео од Георгиев во кафана, каде што седи на маса, пие алкохол и пуши цигара.
„Деца, сакате да слушнете кратка хорор-приказна пред спиење? ‘Пуши дебелиот, пијан, злобен трол и никој не му приоѓа. Затоа пушеше засекогаш. Пијан, дебел и зол. Сам.’ Верувам дека приказната е поучна“, напиша ЈК.
Deco, hoćete da čujete kratku horor priču pre spavanja? “Puši debeli pijani zli trol i pridje mu niko. Zato je pušio zauvek. Pijan, debeo i zao. Sam.” Verujem da je priča poučna. pic.twitter.com/6fZ4tHZoNi
— Jelena Karleuša (@karlinbich) April 4, 2025
Да потсетиме, како што прв објави Информер, Јелена Карлеуша поднела кривична пријава против Владо Георгиев, откако тој ја навредил на брутален начин за време на концерт во полната сала на Центарот „Сава“.
– Владо Георгиев ја навреди Јелена на најгруб можен начин, пред полна сала, но и пред својата сопруга и ќерки. Ги споменуваше нејзините наводни „љубовници“, измислената афера со телохранителот, како и Кариќ и Душко Тошиќ… На најпростачки начин ја нападна една жена, мајка на две малолетни ќерки и една од најистакнатите јавни личности – изјавил извор близок до Карлеуша за Информер.
– Карлеуша се обратила до адвокатската канцеларија која со години ја застапува, и тужбата е веќе подготвена. Таа не може да дочека да се соочи со Георгиев, за кого смета дека е обичен пијаница и пропаднат уметник. Навредите и гнасотиите што ги изнесе на нејзина сметка не планира да ги прости, и би била најсреќна ако го види зад решетки по сè што ѝ направил – завршува изворот.
