Лепа Брена, една од најголемите музички ѕвезди на Балканот, неодамна ги израдува своите фанови со ретки, досега необјавени фотографии од својата младост.
На 64 години, симболот на поранешна Југославија уште еднаш покажа дека нејзината слава не избледела. На фотографиите, кои ги објави на Instagram, може да се види Брена во разни моменти – од интимни семејни сцени со сопругот и децата, до кадри од настапи на врвот од нејзината кариера.
Објавата предизвика бран емоции и носталгија кај нејзините следбеници, кои ја поздравија нејзината отвореност и споделувањето на дел од личната историја.
„Ве сака, вашата Брена“, напиша таа во описот на албумот, потсетувајќи дека и по децении на сцената, љубовта кон публиката ѝ останала непроменета.
