Лејла Рамковска: Со јогата научив како да го насочам умот во моја полза (ФОТО)

Кога телото ќе почне да старее, а духот сè уште е млад, одличен начин да се надмине таа контрадикторност е да почнете да вежбате јога. И не само тогаш, јога можат да вежбаат сите од 7 до 77 години, а и пред и потоа.

Знаете ли зошто луѓето кои вежбаат јога се младолики? Еве што вели Лејла Рамковска, инструкторка по јога за „Женски печат“:

– Со самото тоа што се ослободуваме од стрес, дишеме квалитетно и се полниме со добро расположение. Од аспект на пози, голем дел од праксата е во вид на отпор на гравитацијата со што се задржува тонусoт на кожата и спречуваме виснување на тонусот, како на кожата така и на мускулите.

Јогата ни дава виталност и енергија, поголема снага, стекнување флексибилност што значи младост, тонирани мускули, а ни обезбедува и заштита од повреди. И тоа се само дел од бенефитите од вежбањето.

– Преку јогата научив како да го насочам умот да работи во моја полза, за мое добро и здравје, на какви мисли им правам простор, да препознаам што е во моја штета и да го елиминирам. До нас е дали и колку ќе дозволиме лошите мисли да преовладаат. Сè е до тоа каде си го насочуваме вниманието.

Но како почнала да вежба Лејла јога и зошто?

– Пред 4-5 години, по физикални терапии на вратот. Немав сила и нула флексибилност. Никогаш пред мојата 30-та година не сум ни пробала да застанам на глава или слично. Почнав со многу едноставни движења и пози, секое застанување на мат го правев без преоптоварување колку време треба да трае тој ден, но со апсолутна свест и фокус. Развивањето си дојде природно со тек на време. Најголем ефект има кога имаш континуитет. Подобро редовно и во мали дози отколку да се превежбате еднаш, па да следува пауза од подолго време. Постојаност е клучниот збор, раскажува таа.

Вежбањето е врзано со здрав начин на исхрана за да има ефект. Па така, Лејла денот го почнува со кафе со реиши, лажица џем од црно гоџи за енергија, пие многу вода, не јаде пред 11.30 часот, а последен оброк ѝ е до 20 часот. Внесува суплементи по препорака на нутриционист. Исхраната ѝ е балансирана со поголем акцент на внес на протеини и зеленчук.

Како жена што внимава на своето здравје и изглед, Лејла ни открива како го негува лицето.

– Еднаш неделно користам маски за лице од мешавини кои знам и сама да си ги направам. Сè уште сум во фаза на експериментирање, така што подетално околу составот можеби ќе споделам понатаму.
Сепак, розата ја издвојува како најомилена состојка за нејзиното чувствително лице.

Слични објави

Ова е единствената фризура која ѝ прилега апсолутно на секоја жена

Igor

Последниот филм на Чаплин „Модерни времиња“ бил силна критика на власта! (ВИДЕО)

Еспресо

Џенифер Лопез не може да го дочека Супер Боул: Погледнете како се подготвува (ВИДЕО)

Еспресо

Познатите блогерки како инспирација: Фустани и наметки за на плажа во кои ќе заблескате (ФОТО)

Igor

Модната формула на Џенифер Анистон, кралицата на минималистичкиот стил: Овие две работи никогаш не би ги носела! (ФОТО)

Еспресо

Фановите бараат Амбер Херд да се отпушти од „Aquaman 2“!

Еспресо

Остави Коментар

3 × четири =

Слични објави

ДА СЕ СМРЗНЕШ! Ноле лансираше нов предизвик! Тоа што го направи тој го можат само најхрабрите! (ВИДЕО)

Васко Спасоски

Направете си го денот поубав со овој РОЛАТ со суво овошје

Еспресо

По триумфот на SAG наградите може ли филмот „Паразит“ да дојде и до Оскар?

Еспресо

Џенифер Лопез и нејзиниот вереник Алекс Родригез се изнаплакаа на говорот на Ванеса Брајант! (ВИДЕО)

Васко Спасоски

Како да флертувате: Важни совети за „почетници“

Еспресо

Мистерија од спотот на Фил Колинс: Многумина се прашуваат дали во него се појавува и славниот режисер?

Еспресо