7.8 C
Скопје
01:39 - 29 март, 2024

Направете целосна детоксикација на организмот

За да направите целосна детоксикација на организмот, ќе ви помогнат овие две добро познати диети, протеинската диета и пролетната диета.

Протеинска диета

Доколку сакате да се обидете да ослабнете со Протеинска диета, потребно е да бидете и физички активни, а не само да се придржувате кон правилата дадени во овој начин на исхрана. Со внимателно следење на правилата, во рок од еден месец ќе успеете да ослабнете од 7 до 13 килограми.

За да го постигнете тоа, комплетно треба да ги исфрлите слатките, а внесот на вода да биде поголем од 2,5 литри во текот на едно деноноќие.

Појадокот за време на 30 дена колку што трае диетата е постојано ист. Се јаде овошје и тоа секогаш во пар, како на пример две јаболка, две сливи и сл.

Прв ден:

Ручек: варено или печено месо со тежина од околу 300 грама, парче црн леб, свежа сезонска салата и 200 милилитри бистра супа.
Вечера: половина од ручекот, но без супа.

Втор ден:
Ручек: 3 варени јајца, свежа сезонска салата, едно парче интегрален леб.
Вечера: 1 варено јајце комбинирано со младо сирење.

Трет ден:
Ручек: печена или варена риба, комбинирана со свеж зеленчук, парче интегрален леб.
Вечера: туна од конзерва комбинирана со свежа сезонска салата.

Четврти – овошен ден
За време на овошниот ден се јаде исклучиво овошје и тоа во комбинација со многу вода.
Оваа диета се држи 30 дена, а деновите се повторуваат според дадениот распоред.

Пролетна диета

Со оваа пролетна диета за многу краток период ќе успеете да ја намалите прекумерната тежина, а меѓу другото и да го зајакнете имунитетот, бидејќи храната што се јаде е богата со витамини, минерали и растителни влакна.

Кон начинот на исхрана на оваа диета, потребно е да се придржувате околу три недели. За подобар ефект, најдобро е веднаш штом ќе станете од спиење, да се напиете една чаша вода. Пред легнување, пак, исто така испијте една чаша млака вода.

Прв ден:
Појадок: овошна салата подготвена од сезонско овошје, една чаша јогурт со ниска масленост во која ќе додадете неколку лажици овесни снегулки и мед.
Ручек: салата од сезонски зеленчук.
Вечера: 1 варено јајце, 100 грама сирење, 1 шолја зелен чај.

Втор ден
Појадок: 1 шолја чај од мајчина душица, 1 интегрален тост со сирење.
Ручек: 2 варени компири комбинирани со порција свежа сезонска салата.
Вечера: 300 грама печено јунешко месо со 200 грама варен зеленчук.

Трет ден:
Појадок: 1 шолја чај од билки, двопек, 1 варено јајце.
Ручек: крем-супа од печурки.
Вечера: салата од сезонски зеленчук, 1 варено јајце, сок од портокал.

Четврти ден:
Појадок: овошна салата, нискокалоричен јогурт со мед и неколку лажици овесни снегулки.
Ручек: салата од сезонски зеленчук, 1 варено јајце.
Вечера: 300 грама печена риба, салата со зеленчук.

Петти ден:
Појадок: 1 шолја чај од билки, интегрален леб и малку младо сирење
Ручек: 2 варени компири и салата од сезонски зеленчук.
Вечера: 100 грама варен ориз, 200 грама печено пилешко месо.

Шести ден:
Појадок: неколку рендани моркови во комбинација со младо сирење.
Ручек: овошна салата, јогурт со ниска масленост во кој ќе додадете една лажица мед и неколку лажици овесни снегулки.
Вечера: 200 грама варен зеленчук.

Седми ден:
Појадок: 1 шолја чај од билки, еден интегрален тост премачкан со сирење.
Ручек: 300 грама печено јунешко месо, сезонска салата.
Вечера: овошна салата, јогурт со ниска масленост во кој ќе додадете една лажица мед и неколку лажици овесни снегулки.

Кон оваа диета придржувајте се 21 ден. Потоа, направете пауза од една недела, а потоа доколку сакате да ослабнете дополнително, повторно продолжете ја.

Слични објави

Сите одговори на прашањата поврзани со пертусис или голема кашлица

Разговор со проф. д-р Нико Беќаровски: Што го прави суплементот ГЕ 132+ Натурал оптимален за употреба

Ј.К.Д.

Клиника Жан Митрев 24 години – 1 милион прегледи и 400 000 успешни приказни

еспресо

Совети од Клиника „Жан Митрев“: Фобии – да не ги занемаруваме, има решение

еспресо

Ваучери за педијатриски прегледи од Клиника Жан Митрев за новороденчиња во Општина Центар

Еспресо

(Фото) Традиционална крводарителска акција во Клиника „Жан Митрев“: Вработените и нивните семејства даруваа крв

Еспресо
Се вчитува....