16.8 C
Скопје
10:10 - 29 март, 2024

Помагаат белите дробови побрзо да закрепнат – Вежби што треба да ги прават пациентите со ковид-19

„Длабока воздишка, рацете горе, длабоко вдишување, кратко задржување на здивот, издишување, спуштање на рацете“, гласи една од вежбите, која се повторува неколкупати на ден и која може да се прочита во исповедите на луѓето кои го победиле коронавирусот.

„Ваквите вежби се покажаа како многу важни за закрепнување на пациентите кои боледуваат од ковид-19 во рамките на респираторната рехабилитација. Станува збор за специјализирани вежби што ги изведуваат физијатри специјализирани за респираторни болести“, објаснува за „Жена“, пулмолог Татјана Радосављевиќ.

Како вежбите дејствуваат на организмот?

Со овие вежби се зајакнуваат мускулите за дишење, кое на тој начин се олеснува, односно се шират белите дробови и се забрзува закрепнувањето на овој орган.

Пулмологот додава дека треба да се започне од полесните вежби до покомплицираните, иако сите тие се „многу едноставни и слични на јога вежбите за дишење“. Ако се применуваат кај потешките пациенти, тие се изведуваат во креветот.

Многу е важно да се започне со вежбите доста рано.

Вежбите одлично ги познаваат пациентите со хронична опструктивна белодробна болест (ХОББ) и астма, кај кои тие се дел од стандардната терапија, а постои огромен број такви вежби.

Пулмологот потенцира дека вежбите за дишење можат да ги прават и здравите луѓе со цел зајакнување на белите дробови, а меѓу оние што ги изведуваат астматичарите, се наоѓаат и следниве:

– Вежба за абдоминално (дијафрагматско) дишење број 1: легнете на грб, со нозете полусвиткани во колената (аголот помеѓу телото и натколениците од околу 130 степени овозможува максимално опуштање на стомачните мускули). Поставете ги дланките на стомакот. Дишете преку носот, и притоа кревајте го стомакот. При издишувањето, повлечете го стомакот кон ‘рбетниот столб.

– Вежба број 2: почетната положба е како и во претходната вежба. При вдишување и кревање на стомакот нагоре, пружајте лесен отпор со притисок на дланките и раширените прсти на предниот стомачен ѕид. При издишување и вовлекување на стомакот – со интензивирање на притисокот на стомакот олеснете го исфрлањето на воздухот од белите дробови.

– Вежба за градно дишење број 1: положбата е иста како и кај претходните вежби, но дланките на рацете и раширените прсти се поставени на предниот, страничниот дел на градниот кош. При вдишувањето, максимално се шири и се крева градниот кош, а при издишувањето градниот кош се опушта.

– Вежба број 2: положбата е иста како и кај првата вежба, рацете се испружени покрај телото. При вдишување, рацете се повлекуваат по површината до позиција над главата (во ширина на рамото, што значи дека дланките не се спојуваат). Кога издишувате, рацете полека се враќаат во почетната положба.

При крајот на оваа вежба, неколкупати продлабочете го издишувањето со кревање на главата од тлото и туркајќи ја напред, притоа силно затегнувајќи ги предните стомачни мускули.

Вежба број 3: се започннува од истата почетна позиција како кај втората вежба, но дланките на рацете и раширените прсти повторно се потпираат на предните, странични страни на градниот кош. При вдишување, рацете се креваат од градниот кош и се истегнуваат до положба над главата (во ширина на рамото). При издишување, рацете се враќаат во почетната положба, нежно потиснувајќи ги ребрата кон внатрешноста на градниот кош и го засилуваат издишувањето, истовремено кревајќи ја и свиткувајќи ја главата од тлото кон градната коска.

Слични објави

Момченце починало поради предизвик на Тик Ток: Опасен тренд „хромирање“ се шири на социјалните мрежи

еспресо

Отворена прва продавница за алкохол во Саудиска Арабија: Ќе се купува алкохол со овластување

Еспресо

Мир Божји, Христос се роди! Народни обичаи и верувања за Божиќ: Бидете со најблиските и заедно прославете го Христовото раѓање

Еспресо

Старо верување: Скршете орев на Бадник и дознајте дали среќата ќе ве следи

Еспресо

Каква кармичка судбина ќе имате во 2024 според датумот на раѓање: Декодирајте ја иднината преку персоналната бројка и откријте што ве чека!

Еспресо

Денес го славиме Свети Игнатиј, еве што (не) треба да правите

Еспресо
Се вчитува....