18.8 C
Скопје
10:55 - 29 март, 2024

Ортопедите советуваат што мора да правите за да имате здрави зглобови

Не смееме да си дозволиме ден без движење и недела без тренинг. Зглобовите остануваат здрави ако се користат редовно, советуваат ортопедите.

Прочитајте ги нивните совети:

Под секојдневно движење се мисли на одење или возење велосипед како и утринско истегнување со кое се задржува подвижноста на зглобовите и во голема мера го олеснува движењето тој ден. Покрај тоа, потребно е барем двапати неделно зглобовите да се подложат на посилно оптоварување. Важно е оптоварувањето да биде редовно и соодветно на телесната состојба. Можностите се безбројни: трчање, кревање тегови, колективен спорт со топка, танцување, рекреативни групи, возење велосипед, нордиско одење.

Ортопедите, исто така, напоменуваат и дека е потребно да се крене нивото на „добриот“ холестерол (ХДЛ), што се постигнува со јадење храна богата со омега-3 масти: маслиново масло, сина риба, ленено семе. Покрај овие намирници, потребно е да се спомене и ѓумбирот. Постојат истражувања што докажале дека кај пациенти со остеоартритис на колената, секојдневното консумирање на овие производи довело до намалување на болките.

Постојат различни причини за заболување на зглобовите. Кај ортопедскиот преглед може грубо да се поделат пациентите во две групи: повреди – акутни состојби и артроза – дегенеративни оштетувања на зглобовите. Во двете групи, најзастапен е зглобот на коленото. Тука многу често доаѓа до повреди, кои ја зголемуваат веројатноста за развој на артроза. Вкоренето е мислењето дека повредите се резервирани за помладата и поактивната популација, додека артрозата ја погодува постара група на пациенти. Меѓутоа, кај ортопед бараат помош сè повеќе пациенти во триесеттите години со многу сериозно оштетување на зглобовите. Покрај коленото, потребно е да се спомнат повредите на глуждот и на стапалото, кои редовно се запоставуваат и несоодветно се лекуваат.

 

Слични објави

Момченце починало поради предизвик на Тик Ток: Опасен тренд „хромирање“ се шири на социјалните мрежи

еспресо

Отворена прва продавница за алкохол во Саудиска Арабија: Ќе се купува алкохол со овластување

Еспресо

Мир Божји, Христос се роди! Народни обичаи и верувања за Божиќ: Бидете со најблиските и заедно прославете го Христовото раѓање

Еспресо

Старо верување: Скршете орев на Бадник и дознајте дали среќата ќе ве следи

Еспресо

Каква кармичка судбина ќе имате во 2024 според датумот на раѓање: Декодирајте ја иднината преку персоналната бројка и откријте што ве чека!

Еспресо

Денес го славиме Свети Игнатиј, еве што (не) треба да правите

Еспресо
Се вчитува....